TUNAWEZA KUWA KILE AMBACHO MUNGU ANATUTAKA TUWE

Usiogope mapambano ya kupanda mlima ili kufikia kusudi lako maishani. Washike wengine mikono yao ili sote tuweze kufikia lengo la maisha yetu.Tunaweza kuwa kile ambacho Mungu anataka tuwe katika maisha yetu, kwa sababu kila mwanadamu aliumbwa na Mungu kwa kusudi maalum. Ni vizuri kutambua kusudi la kuumbwa kwetu ili tuweze kutimiza mpango wa Mungu katika maisha yetu. Furaha kubwa zaidi tunayoweza kupata hapa duniani ni wakati tunapogundua kusudi la kuumbwa kwetu. Tutapata hamasa ya kufanya kile tunachopaswa kufanya kabla ya wakati wetu wa kuishi hapa duniani kumalizika. Wakati haungoji mtu yeyote; kile tunachoweza kufanya leo, ni bora tufanye sasa, kwa sababu kesho si yetu. "Kila mfanyacho, fanyeni kwa moyo wote, kwa sababu ya Bwana na si kwa ajili ya mtu." (Wakolosai 3:23) “Fanya yaliyo bora uwezavyo, na umwache Mungu afanye yaliyosalia.”